fimmtudagur | 25. apríl | 2024

Þú ert ekki skráður inn

Aðalfundur Aðalfundur Flugfélagsins Geirfugl ehf, verður haldinn í Fluggörðum 25, 101 Reykjavík, miðvikudaginn 7. júní 2017, klukkan 20:00 Dagskrá í samræmi við 14. gr. samþykkta félagsins. 1. Stjórn félagsins skal skýra frá hag félagsins og rekstri þess á liðnu starfsári. 2. Efnahagsreikningur og rekstrarreikningur félagsins fyrir liðið starfsár skulu lagðir fram ásamt athugasemdum endurskoðenda eða skoðunarmanna félagsins til samþykktar. 3. Stjórn félagsins skal kjörin og endurskoðendur eða skoðunarmenn. 4. Umræður og atkvæðagreiðslur um önnur málefni sem löglega eru upp borin. 5. Ákvörðun um kjör stjórnar og embættismanna félagsins. Framboðsfrestur til stjórnar rennur út kl. 16:00, sunnudaginn 4. júní. Framboðum til stjórnar skal skila skriflega á skrifstofu félagsins, eða í tölvupósti á geirfugl@simnet.is . Tillögur um breytingar á samþykktum félagsins eða önnur mál sem taka skal fyrir skv. 4 lið, skulu hafa borist skrifstofu félagsins fyrir klukkan 20:00 miðvikudaginn 31. maí. Tillögurnar verða birtar jafnóðum á heimasíðu félagsins, undir liðnum “spjall”, og á Facebook síðunni: Geirfuglar - hluthafar. Athugið að nauðsynlegt er að vera innskráður á síðurnar til að komast undir þann lið. Ef einhver vandkvæði eru með innskráningu eða frekari upplýsinga er þörf er hægt að hafa samband við Guðmund í síma: 866-1578, eða með tölvupósti á geirfugl@simnet.is Bent er á að réttur til setu á aðalfundi félagsins er bundinn við hluthafa í félaginu, eða handhafa umboðs frá hluthafa, undirritað í viðurvist tveggja vitundarvotta. Skráð af GSM 26.05.2017 Næstu námskeið Upprifjunarnámskeið fyrir flugkennara verður haldið 13. maí nk. Einkaflugmannsnámskeið hefst 2. júní nk. Skráning hér til hliðar undir námskeið. Skráð af GSM 27.04.2017 Flugkennaranámskeið Flugkennaranámskeið hefst 27. febrúar 2017. Flugkennaranám samanstendur af bóklegum og verklegum þætti. Námskeiðið skiptist 125 tíma í bóklegu og 30 tímar í verklegu. Af þessum 30 verklegu tímum geta 5 verið í flugleiðsöguþjálfa og 5 tímar með öðru... <MEIRA> Skráð af GSM 08.02.2017 Einkaflugmannsnámskeið vor 2017 Skráning er hafin á næsta bóklega einkaflugmannsnámskeið. Námskeiðið hefst 6. janúar nk. og stendur til 14. mars. Kennt er 18:00 til 22:00 virka daga. Einkaflugmannsskírteini veitir réttindi til þess að fljúga með vini og vandamenn hvert á land ... <MEIRA> Skráð af GSM 01.12.2016 Næsta einkaflugmannsnámskeið Skráning er hafin á næsta bóklega einkaflugmannsnámskeið. Námskeiðið hefst 16. september og stendur til 20. nóvember. Kennt er 09:00 til 17:00 laugardaga og sunnudaga Einkaflugmannsskírteini veitir réttindi til þess að fljúga með vini og vandame... <MEIRA> Skráð af BTT 24.05.2016

Flugfélagið Geirfugl Flugfélagið Geirfugl ehf. er flugklúbbur sem leigir út flugvélar og kennir til einkaflugprófs.  Markmið klúbbsins er að efla einkaflug á Íslandi m.a. með því að tryggja félagsmönnum sínum greiðan aðgang að góðum flugvélum á góðu verði, bjóða uppá nýja kosti varðandi flugnám. Flugfélagið Geirfugl ehf er skráð einkahlutafélag hjá fyrirtækjaskrá frá árinu 1997. Þeim sem hafa áhuga á því að fræðast meira um Flugfélagið Geirfugl ehf. er boðið að hafa samband með tölvupósti  Flugfélagið hefur aðstöðu í flugskýli 25, á Reykjavíkurflugvelli. Staðsetning í Google Earth Sími: 511-5511 Fax: 562-6099 Farsími: 866-1578 Kennitala: 690597-2689 Hægt er að leggja inn umsókn á vefnum til að gerast meðlimur í Geirfugli. Mynd úr myndasafni félagins Smellið hér til þess að skoða fleiri myndir

Vefsmiðir: (c) 2001-2002 Snillingarnir fjórir