Flugfélagið Geirfugl hefur
stundað kennslu til einkaflugprófs síðan 1999 og
var fyrsti skráði flugskólinn á Íslandi skv.
JAA reglum. Árið 2007 fékk skólinn svokallað Flight Training Organization (FTO) leyfi en með því gefst félaginu kostur á að
kenna hvaða námsgreinar sem er í fluginu. Allt frá einkaflugmanni til atvinnuflugmanns. Félagið hefur bætt við
blindflugsáritun, blindflugskennaraáritun og upprifjun fyrir flugkennara til viðbótar við kennslu til einkaflugmanns.
Blindflugsáritunin er kennd í samvinnu við breskan flugskóla sem hefur áratuga reynslu á því sviði.
Skólinn leggur áherslu á að nemandinn fái markvissa og árangursríka kennslu. Sem lið í því er notað fullkomið kerfi sem heldur utanum námsframvindu hvers nemanda sem bæði nemandinn og kennarinn hafa aðgang að á netinu. Þegar nemandi er skráður hjá félaginu er stofnað vefsvæði þar sem er haldið utan um allar upplýsingar um nemandann og hann fær jafnframt aðgang að öllum kennsluáætlunum í sínu námi og getur þannig undirbúið sig betur fyrir hvert flug.
Bókleg kennsla
Bókleg kennsla hjá félaginu fer fram í félagsaðstöðu Geirfugls í skýli 25. Úr kennslustofunni er opnanlegt inní flugskýlið þar sem nemendur geta skoðað vélarnar nánar undir leiðsögn reynslumikilla kennara. Rík áhersla er lögð á að reynslumiklir einstaklingar kenni bóklega hlutann og má nefna að meðal kennara eru flugstjóri hjá Landhelgisgæslunni, deildarstjóri hjá Flugmálastjórn, flugmenn á B757 hjá Icelandair og flugrekstarstjórar.
Verkleg kennsla
Flugfélagið Geirfugl hefur tvær Diamond DA20-C1 Eclipse til afnota
í flugkennslu til einkaflugprófs, TF-FGA og TF-FGB. Auk þess er hægt að læra á Cessnu 172, TF-SKN og TF-ISE. Nemendum hjá Geirfugli sem eru einnig
félagar gefst jafnframt kostur á að komast í stélhjólsþjálfun sem gefur góða reynslu til framtíðar sem og þjálfun á
skiptiskrúfu.Vélarnar eru einstaklega sparneytnar, hljóðlátar og taldar þær öruggustu í sínum flokki. Þær geta flogið á um 260 km/klst og er flugdægi þeirra er 1000 km. Vélarnar hafa verið í framleiðslu á annan áratug og hafa reynst vel, bæði í Evrópu og Bandaríkjunum. Meðal annarra valdi bandaríski flugherinn þessar vélar til þjálfunar flugmanna sinna.
| -->Skráning á námskeið<-- |
 IS/PPL/001 |
|
IS/FTO/003 |